السيسي لرجال الصناعة: "لو خايفين على البلد لازم تغنوا المصريين مش نفسكم" (فيديو)
قال الرئيس عبد الفتاح السيسي، مخاطبًا عددًا من رجال الصناعة: "عمر مصر ما هتقوم غير بيكم".
وأضاف "السيسي"، على هامش جولته التفقدية بالمعرض الدولي الأول للصناعة، قائلًا لعدد من رجال الصناعة: "أنا قولت الكلام ده مش من دلوقتي.. قولته منذ ترشحي للرئاسة، ياجماعة تعالوا وأي حاجة أنا فتحتها قولت دي متاحة للناس".
ورد أحد الصناع: "أنت قيادة مخلصة يافندم ووطني" ليجيبه الرئيس: "كل الناس مخلصة.. إحنا بنشاور على اننا مستعدين وعندنا إرادة إننا نتحرك لقدام، إذا كنتم خايفين على البلد لازم تغنوا المصريين مش أنتو اللي تغنوا، لو مصنعك مش آمن ولا حاجة.. هيبقى أمان برضا المصريين"، ليعقب أحد رجال الصناعة: "إحنا متحاميين فيك يافندم" ليعقب الرئيس: "لا متحاميين في ربنا"، فأجابه: "متحاميين فيك بعد ربنا أنت الحماية الحقيقية لمصر وفي عصرك مصر هتبقى قد الدنيا".
