عاجل.. السيسي: قدمنا أكثر من 3 آلاف شهيد.. و جيش مصر قوي وقادر
أكد الرئيس عبدالفتاح السيسي، اهتمامه بأن يسمع ويفهم الناس وطريقة تفكيره، قائلًا: "بعد كل الكلام اللي بنقوله للناس، الاختلاف في الرأي ليس مشكلة، ولكن الاختلاف في الفهم هو المشكلة"، وذلك تعقيبًا على مداخلة لرئيس حزب الدستور جميلة إسماعيل التي رفضت الاعتراف بما قدمته الدولة من خدمات.
وقال الرئيس السيسي، خلال مداخلة هاتفية ببرنامج "التاسعة"، المذاع عبر القناة الأولى المصرية: "البلد دي قدراتها متقدرش، إن كان حد عنده حل أنا مستنيه يجي ونجاحه هيكون نجاح لينا كلنا، إنه حد يهتم بالمواطن اللي ظروفه صعبة".
وأشار الرئيس إلى أنه "خلال الخمسين سنة اللي فاتت، مش شايفين ولا مش عايزين يشوفوا، مش عارفين ولا مش عايزين يشوفوا، ما شوفناكوش ليه في 2013، كنتو تقدروا تعملوا حاجة!".
وأشار الرئيس إلى حقبة الإرهاب والإخوان في 2012، قائلًا: "حد كان يقدر يقف، كان دبحوكم في الشوارع، ومكنش حد يقدر يرفع صوته لولا إنه فيه جيش قوي وقادر.. أنا بقول الكلام ده وأنا كنت شايف وشاهد ولا كنتم هتقدروا كلكم تعملوا حاجة".
وتابع الرئيس: "كان المطلوب حاجة واحدة بس.. اني أسكت أنا، وعلشان أقدر أعبر على هذه الحقبة أخدت 8 سنين وقدمنا 3 آلاف شهيد ومش بمّن على حد، لكن ده دوري".
