الرئيس السيسي داعيًا لحوار ديني: "ربنا تجيله زاحف وتجري عليه لأنه الخير كله" (فيديو)
وجه الرئيس عبد الفتاح السيسي، طلبًا إلى الدكتور ضياء رشوان، المنسق العام للحوار الوطني، بالدعوة إلى حوار ونقاش ديني.
وقال الرئيس السيسي خلال كلمته في ختام المؤتمر الاقتصادي اليوم الثلاثاء: "أنتوا عملتوا الحوار وشغالين فيه بقولك تاني وبطلب منك كمل بقى".
وأضاف: "هات مؤتمر للدين ونقعد نتكلم ونتكلم بمنتهى الصراحة اللي رافض واللي يتهمنا احنا مش مسلمين ولا متدنيين وهات اللي يقول أنتوا ناس كويسين وربنا يسامحكم لازم نعمل الحوار ده".
وتابع: "ده محل نقاش داخل القضية بكلم هنا على الإسلام والمسيحية، مش احنا مواطنين كلنا كل واحد بعقيدته، حتى اللي بيقول مفيش قول هو أنا خايف أنت تقول كده حد يجي معاك أنتوا".
واستطرد: "ده العزيز تجيله زاحف مش ازقك عليك، هو أعز وأكبر من ده، انت تجري عليه لأنك بتجري على الخير كله يبقى أنا افتح مجال للي بيقولوا مفيش هو أنا معنديش منطق ارد عليك".
وأردف: "اللي عايز واللي مش عايز بشفق عليك أنك يفوتك الغالي، لا بد من الفهم والنقاش الديني المتعمق، المفروض أن التجربة والمسار يبقى في وقت من الأوقات وأطرحله حاجته والناس تتكلم فيه وتقول ما شاءت اللي بيأيد واللي بيرفض نسمع حتى اللي بيقول كلام مش لطيف مش ده رأيه لينا كلنا الحوار اللي محتاجين نكمل على اللي بنعمله".
واستكمل حديثه: "تسمع منه غير تأفف للآخر ويرد عليه المهتمين في الإسلام والمسيحية سواء متخصصين في كل شيء من مؤسسات أو مواطنين مش عاجبهم هذا الكلام وننتهي بالحوار الوطني إلى إعادة تشكيل وصياغة الرأي العام في مصر، وده نفس الكلام بقوله على الإعلام وكأن أنتوا زي الفل يعني".
