السيسي: "عايز المرة الجاية شباب يتهمونا ويزعقلونا أحسن ما يزعقوا في الشارع"(فيديو)
وجه الرئيس عبد الفتاح السيسي، رسالة إلى الحكومة بأن يكون هناك شباب في المؤتمر الاقتصادي القادم ليطرحوا عليهم مخاوفهم الاقتصادية.
وقال الرئيس السيسي خلال كلمته في ختام المؤتمر الاقتصادي اليوم الثلاثاء: "لو بتتكلموا على حرية حقيقة وانفتاح لما تيجي تهاجمنا مش هزعل لأنك بتقول وجهة نظرك وأنا أدافع عن نفسي، والدكتور ضياء أنت مسئول حطلنا كل الملفات واطروحها والموضوع ده يأخذ اسبوعين ثلاثة ونسمع بعضنا البعض".
وأضاف: "سيكون هناك استجابة لكل اللي قاله القطاع الخاص لأن إحنا معاكو وبيكو هنطلع لقدام، وعلى جميع مؤسسات الدولة مناقشة كل الملفات في الحوار الوطني دي بلدنا مش بتعتي ولا بتاعة الحكومة دي بتاعتنا".
وتابع: "خلونا دايما نتقابل وكل واحد يقول اللي عند عايز شباب يتهمونا ويزعقولنا وإحنا ندافع حقهم علينا أحسن ما يزعقوا في الشارع يزعقولنا إحنا، هما خايفين لو إحنا هنضيعهم طيب ده بكرة بتاعنا إحنا مش ضامنكوا هتودونا على فين".
واختتم حديثه بتوجيه التحية للمشاركين "خطوتكم عزيزة وكل كلمة قلتوها وفكرة مقدرة ومقبولة ونرجو من الله أن يجازيهم عنها خير وأن يكون مقدمة لنجاح الدولة المصرية معا نستطيع".
