رد الرئيس السيسي على المطالبين بزيادة المعاشات (فيديو)
رد الرئيس عبد الفتاح السيسي، على مطالبة البعض بزيادة المعاشات، قائلًا: "الدكتور محيي خدت 400 مليار جنيه.. هدفعهم أنا 40 تريليون جنيه حتى عام 2052 لإجراء اتعمل من قبل دون اعتبار".
وأضاف "السيسي"، خلال كلمته على هامش الجلسة الختامية للمؤتمر الاقتصادي مصر 2022، اليوم الثلاثاء،: "لما جت قضية أصحاب المعاشات.. والبدري فرغلي الله يرحمه كل شوية يقول خدتوا فلوس الغلابة.. نحل المسألة دى إزاى؟، لو قعدوا زي ما هما في البنوك طول المدة دي كانوا جابوا كام؟ تفتكروا الرقم كان هيكفي أصحاب المعاشات للرقم اللي بنديه دلوقتي؟".
وعقب الدكتور محمد معيط، وزير المالية، أننا نعطي حاليًا لأصحاب المعاشات 190.6 مليار، ليرد الرئيس: "قول رقم يتحفظ يا أخي ما تقول 200 مليار".
وأردف معيط: خلال 7 سنوات بدأت منذ 4 سنوات سنصل لـ 1.7 تريليون، والدراسة تم إجراءها على مدى 50 عاما تصل إلى 45 تريليون، والمبلغ الذي تم سحبه من خلال تحويل فوائض نظام المعاشات على مدار فترة طويلة لبنك الاستثمار القومي كانت تستخدم في الخزانة العامة للدولة لتمويل الخطط الاستثمارية ولم تخلق عوائد، وتسببت في حدوث مشكلة في قدرة النظام على سددا المعاشات وفقًا لأحكام القانون، ومن تدخل لحل المشكلة المتراكمة الموازنة العامة للدولة.
وعقب الرئيس السيسي،: "لما اتحلت المشكلة محدش اتكلم.. وييجي رجل اقتصادي وكان مسئول في البلد يقول ماتزود المعاشات بقى.. أنت بتتكلم بفهم وعلم ومسئولية وأمانة ولا إيه.. لو أنا مش عارف شغلي معرفش أقف الوقفة دي خالص".
