السيسي: أي موضوع عاوز أخلصه بقول للجيش يعمله (فيديو)
قال الرئيس عبد الفتاح السيسي، إن أول لقاء مع المستثمرين خلال فترة ترشحه أكد لهم أنه بحاجة لـ 100 مليار جنيه لمجابهة الآثار الناجمة عن الحالة التي أفرزتها 2011-2013، معقبًا: "جالهم انطباع إني جاي أخد مال الناس، ده لا يرضي ربنا ولا هيرضي ربنا".
وأضاف "السيسي"، خلال كلمته على هامش الجلسة الختامية للمؤتمر الاقتصادي مصر 2022، اليوم الثلاثاء،: "أوعى حد يزعل من كلامي، مفيش حاجة فيكي يا مصر كانت واقفة على حيلها، عايزين تعرفوا مصر عاملة إزاي روحوا حديقة الحيوان، شوفوا حجم التردي والمنشآت والسلبيات والتعب بها".
وتابع الرئيس السيسي: "حد قالي ما تعمل حديقة الحيوان، قولت له أعمل 10 حدائق ومعملش حديقة الحيوان بالشكل ده.. ده تخش على الحديقة من هنا تلاقي الناس بتتكلم عن حديقة الحيوان والخضرة الموجودة فيها والأسود الجميلة"، مشددة على أن الحكومة بأكملها تقوم بجهد جبار، ولكن أي موضوع عاوز أخلصه بقول للجيش يعمله، موجهًا التحية لوزير الدفاع والجيش المصري، معقبًا: "مش بقول كده علشان أنا منه.. الكلام ده هيزعل الدكتور مصطفى"، مضيفًا ضاحكًا لرئيس الوزراء: “هيزعلك أصل أنا على الهواء خالص يعني”.
