عامل النظافة صاحب واقعة الكشري يكشف كواليس لقائه بالعوضي.. ويرفض الهجوم
أكد محمد عادل، عامل النظافة صاحب واقعة كشري التحرير، أن الفنان أحمد العوضي لم يكن متواجدا في محل الكشري لحظة الواقعة، مضيفًا أن العوضي تواصل معه من خلال صحفيين "بعتوا له مرسال".
طلب ياكل معايا في طبق واحد
وأضاف محمد عادل، خلال مداخلة هاتفية ببرنامج "حضرة المواطن"، المذاع عبر فضائية "الحدث اليوم"، مساء اليوم الأحد، إن "العوضي هو اللي طلب ياكل معايا في طبق، وقال أنا عايز محمد، أنا عازمه على العشا".
رسالة لصاحب محل الكشري
ومن جانبه، وجه الإعلامي سيد علي، مقدم البرنامج، انتقادات حادة لصاحب مطعم الكشري صاحب الواقعة، قائلًا: "عيب.. اللي عملك هم الناس الغلابة، والكشري وجبة الناس البسيطة في مصر، وجبة الفقراء، واللي عملك وعمل اسمك وعمل ملايينك وعمل كل حاجة عندك هو محمد عادل ده وأمثاله".
صاحب البستان
وتابع سيد علي: "أنا مش هدعو الناس إنها تقاطعه وماتروحش عنده لأن الرزق ده بتاع ربنا، لكن هقوله: اتق الله، وزي ما ربنا ادالك، ربنا قادر ياخده منك، وإقرأ سورة أهل الكهف وتذكر ما حدث لصاحب البستان".
