"خير": فيديو "الصابونة الذهب" لمحمد رمضان استفزاز للمجتمع
علق الإعلامي محمد علي خير، على قيام محمد رمضان بنشر فيديو يتحدث فيه عن "صابونة ذهب" جاءت له هدية وهو ما أثار حالة من الجدل عبر مواقع التواصل الاجتماعي.
وقال "خير" خلال تقديم برنامجه "المصري أفندي" المذاع على فضائية "المحور" مساء اليوم الخميس: "الناس بتفاصل في كرتونة البيض والناس بتحاول تكمل وجبتها وكيلو الأرز لما زاد عمل أزمة كبيرة".
وأضاف "هذا المجتمع الذي يعيش فيه الفنان محمد رمضان اللي طلع عمل فيديو بيقولك أنا جاتلي صابونة ذهب عيار 24 وأنا مستخسر أحطها في أي ليفة، يعني محمد رمضان مش جنبه أي حد يقوله انت كده بتستفز الناس جاتلك هدية اركنها".
وتابع "أنا برضو مش قادر افهم يعني ايه صابونة ذهب بتخلص، وأنت استفدت ايه لما عملت كده كمواطن طالع عيني بدبر يومي بالعافية أنا معايا صابونة دهب هل ده كلام يا أخوانا هي دي ناس بتقدر المسئولية وعارفة ظروف المجتمع ونطلع نستفز الناس بهذه التصريحات والأفعال".
