بسبب الوضع الاقتصادي.. نصيحة هامة من عمرو أديب للمصريين
عقب الإعلامي عمرو أديب، على رفع رسوم استخدام بطاقات الدفع والائتمان في الخارج، كاشفا أن كل بنك وضع أرقام صرف معينة لكل نوع من بطاقات الائتمان، معلقا: "لو مثلا حد حسابه فيه مليون جنيه هيطلع كارت بـ 250 ألف جنيه وهكذا".
نصيحة هامة إلى المصريين
وأشار أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، إلى أنه من الأفضل الانتباه على حجم الإنفاق الفترة المقبلة، مضيفا: "الأيام اللطيفة اللي جاية لازم ناخد بالنا، والكاش هو الملك، السيولة هى النجمة في 2023، اللي معاه سيولة هيكون ملك سواء للأفراد أو الدول".
وأضاف الإعلامي عمرو أديب، "خلوا بالكم من فلوسكم الفترة الجاية، لحد ما يبان للوضع ده صاحب.. كاش هو الكينج الفترة الجاية، وافتكروا كلامي ده لحد شهر أكتوبر الجاي".
