أم قاتل تطالب بالقصاص من ابنها بعد قتله ابن عمه.. شاهد التفاصيل
طالبت أم القاتل بجريمة الغربية، بالقصاص من نجلها بعد قيامه بقتل ابن عمه في الغربية.
وقالت أم القاتل في تصريحات خاصة ببرنامج "تقدر مع الغيطي" المذاع على فضائية "الشمس" مساء اليوم الجمعة: "ابني بهدل الدنيا وهددني بقتل ولاد أخويا وكان بيضربني".
وأضافت "كان بيقولي أنا عايزك تصوتي وكان بيزعق مع أبوه ومشى أبوه وبهدلني وبيأخذ مني فلوس لدرجة قالي سمي نفسك لو معرفتيش أجيبلك سم وكل يوم يتف في وشي ويأخذ فلوس وهو موت ابن أخويا من غير ذنب".
من جانبها سردت إيمان محمود شقيقة قتيل جريمة أسرية في الغربية، تفاصيل قيام ابن عمها بقتل شقيقها، مستطردة "أخويا كان في صلاة الفجر مع أبويا، وهما جايين شاف ابن عمتي في شارع ضلمة".
وأضافت "أخويا قال لبابا سيبك ونزل محل وبعدها لقى ابن عمتي جايله شغله في الكافيه وكان خالع هدومه وماسك السكينة هو بلطجي أصلا، وأخويا قاله أنا لسه مستفتحش قام قتله بالسكينة تحت باطه راح محمد وقع على الأرض".
من جهتها قالت ميادة عاطف، زوجة القتيل في حوار بالبرنامج "جوزي متعود ينزل قبل آذان الفجر يقرأ قرآن شوية وبعدين يصلي الفجر ويرجع اليوم ده نزل مرجعش".
وتابعت "إحنا عرفنا من الجيران، جم خبطوا عقبال ما وصل المستشفى كان مات وإحنا مش بنام أصلا ومذهولين ومش مصدقين من اللي حصل لأنه وابن عمته كانوا واكلين وشاربين مع بعض".
