زوجة أحد أبطال حرب أكتوبر: "اتبلغت باستشهاده وفوجئت بدخوله عليا العزاء"(فيديو)
كشفت نجاة، زوجة البطل مجدي بشارة صائد الطائرات الإسرائيلية أحد أبطال حرب أكتوبر، تفاصيل معرفتها باستشهاد زوجها خلال واقعة الجزيرة الخضراء قبل أن تكتشف أنه مازال على قيد الحياة.
وقالت "نجاة" في اتصال هاتفي ببرنامج "تقدر مع الغيطي" المذاع على فضائية "الشمس": "قمنا بالتواصل مع القيادات وقتها وقالوا مفيش أي خبر وقالوا اعتبروا شهيد".
وأضافت "وكل الناس كانت بتسمع لتليفزيونات والراديو وكل الناس بدأت تيجي وتواسينا وتقعد معانا وكانت حاجة صعبة جدًا وبعد 7 أيام من الخبر لقيت الباب بيخبط اغمى عليا".
وتابع "ازاي هو قدامي وأنا كنت عارفة أنه بقى شهيد وتحول العزاء إلى فرح، هو مش مجرد أنه بطل عظيم هو زوج وأب وجد مفيش زيه حنان ومحبة وخدمة وكل الناس بتقول كده ده كان راجل مش هيتكرر".
