اللواء سمير فرج: "زي ما عبرنا في حرب أكتوبر هنعبر الفترة القادمة بأمان" (فيديو)
كشف اللواء سمير فرج، الخبير العسكري والإستراتيجي، عن كيف وقف الشعب المصري مع القوات المسلحة ودعمهم وساندهم خلال حرب أكتوبر 73 والفترة التي سبقتها.
وقال "فرج" في اتصال هاتفي على فضائية "الحدث اليوم" مساء اليوم الثلاثاء: "الشعب المصري وقف مع القوت المسلحة ودعمنا وساندنا مصر قعدت 6 سنين مفيش مدرسة ولا طريق ولا أي استثمارات كل الحاجات موجهة لحرب أكتوبر".
وأضاف: "الشعب المصري كان بيسمع كلام الرئيس ناصر لما قال نأخذ أربع كوبيات شاي بدل 6 و8، هجرنا ثلاث مدن خرج أهلها وسابوا بيوتهم وراحوا عاشوا في المدارس كل ده علشان خاطر مصر".
وتابع: "وده اللي قاله الرئيس السيسي النهاردة إحنا شعب عظيم يقف في الصعاب زي ما كان هذا الشعب استحمل في حرب أكتوبر ولكن في النهاية قدرنا نخطط ونستوعب ونتفوق على العدو الإسرائيلي".
واستطرد: "وخططنا صح ويوم 6 أكتوبر نفذنا، لأن هذا الشعب قادر أن يكسر الصعاب عندنا مشاكل لأننا بنبني كل حتة في مصر والدليل ما يحدث الآن في حياة كريمة".
وأردف: "كنت بدخل العشش مفيش مياه أو صرف صحي أو كهرباء ولا غاز البيت من غير سقف، ولكن هذه المبادرة أحييت 30 مليون أسرة كل يوم فيه انجاز وزي ما عبرنا نعبر الفترة القادمة بأمن وأمان".
