عمرو أديب مدافعا عن سيارات القهوة: "سيبوا الناس تسترزق"
أشاد الإعلامي عمرو أديب، بمشروعات سيارات القهوة المتنقلة المنتشرة في الآونة الأخيرة، قائلا: "المصري لما يشغل دماغه بيجيب فلوس من الهوا، دي ناس عندها رغبة تجيب فلوس من الحلال ومش عايزين يعيشوا شمال".
رسالة إلى المحليات
ووجه أديب، خلال برنامج "الحكاية" المذاع عبر فضائية "إم بي سي مصر"، مساء الإثنين، رسالة إلى المحليات، قائلا: "الرحمة فوق العدل، والمحليات مش شغالة جامد أوي يعني، إنتوا مش ماشين بالعدل وسايبين ناس تانية عاملة البدع، مهو الناس دي لو مأكلتش مين هيأكلهم.. سبوهم اليومين دول وبعدين نشوف لهم طريقة".
وقال، "هتنكدوا عليهم ليه.. أنا عارف إنه غلط، بس الوضع صعب، خلوا الناس تسترزق، مش وقته تحبكوا الدنيا على الشباب"، لافتا إلى أن هناك دول تتبع سياسة "خف على الناس" وقت الأزمات، مضيفا: "لو عايزين شغل محليات أقولكم فين، بس دول شباب قررت تاكل لقمة عيش حلال، لما تصادروا الماكنة هتخلوا الامل عندهم يموت".
