عمرو أديب عن سياحة اليخوت: "هيجي من وراها 25 مليار دولار"
علق الإعلامي عمرو أديب على اجتماع رئيس مجلس الوزراء الدكتور مصطفى مدبولي بشأن سياحة اليخوت قائلًا: "هناك اهتمام كبير للدولة بهذه السياحة.. السياحة هيجي من وراها 25 مليار دولار"، مشيرا إلى أن الدولة تسعى لإنعاش سياحة اليخوت.
صاحب اليخوت إما ملياردير أو مليونير
وقال "أديب"، خلال تقديمه برنامج "الحكاية"، المذاع على قناة MBCمصر"، اليوم الأحد إن صاحب الياخوت أما ملياردير أو مليونير لأنه راكب يخت ثمنه ملايين الدولارات، وبالتالي له متطلبات معينة، معقبا: "ده مش زي السائح اللي عايز يدفع 30 دولار بالبوفيه.. ده زبون تاني خالص.. زبوه مهفهف عايز خدمة 7 نجوم والفلوس بنسبة ليه مش مهمة".
سائح الياخوت بيجي عشان يدلع
وأضاف الإعلامي: "سائح الياخوت بيجي عشان يدلع، ومن حقهم يدلعوا"، لافتا إلى أن هذا السائح ذهب إلى إيطاليا وتركيا وفرنسا، معقبا: “مينفعش السائح ده يجي عشان يتفرج على الفنون الشعبية المصرية.. أو ياخد صنية بسبوسه.. ده ليه طلبات ومستوى تاني خالص”.
وأوضح أن السائح يكون في احتياجات إلى أماكن جيدة للغاية ومطاعم على أعلى مستوى، معقبا: “عايز ريسترون وزجاجة نبيذ على أعلى مستوى ويدفع زي ما يدفع”.
ونوه بأن سائح الياخوت لا يهتم بانعاش السياحة المصرية ولكنه مهتم بطلباته فقط، معقبا: “معلش منقولش هنيسرك الإجراءات بس.. المسئول عن الموضوع لازم يكونوا بتوع سياحة شيك.. مش مسئولين عاديين.. واشتغلوا في فنادق عالمية”.
