فاروق فلوكس يكشف سبب رفضه العمل مع عبد الرحمن أبو زهرة (فيديو)
علق الفنان فاروق فلوكس، على صورة الفنان عبد الرحمن أبو زهرة، قائلا: "ممثل عظيم بس صعب أشتغل معاه، أنا مش بعيب فيه، ممكن يكون العيب فيا، لكن التعامل داخل اللوكيشن ليا خطوط محبش حد يتعداها وهو بردوا".
وأضاف "فلوكس"، خلال لقائه مع الإعلامي رمضان رفيع، ببرنامج "يلا نحلم"، المذاع عبر فضائية "الحدث اليوم"، أن الأعمال الفنية الحالية منها الجيد مثل "الاختيار" و"الممر" وأعمال ياسر جلال وأمينة خليل وكريم عبدالعزيز وأحمد السقا ونيللي كريم، متابعا: "صورة جيدة برة في العالم العربي".
وأوضح أن الأعمال الشاذة لا تعبر عن مصر ولا يجب تقديمها، موجها رسالة لمحمد رمضان قائلا: "ربنا يسامحه، واتقي الله".
وفي سياق منفصل عقب الفنان فاروق فلوكس، على من يقولون أن أموال التمثيل حرام قائلا: "إيه الكلام الفارغ ده، اتقوا الله فلوس التمثيل التي يتحصل عليها الممثل لخدمة المجتمع حلال، ولكن غير كده مش حلال".
وتابع "مرة كنت رايح حلوان، وكان في فرح معدي وشباب ماسكين سلاح وسيوف، أنا قولت للسواق اركن لغاية لما يعدوا، والسواق قالي ده اللي بيشوفوه في التليفزيون".
وعن دوره في فيلم الراقصة والسياسي قال: "أنا عمري ما ندمت على حاجة لأن الفيلم حقق ليا فلوس وده رزق وربنا بعتلي الرزق أندم عليه! أما الدور في حد ذاته له رسالة إزاي معملوش، والدور ده محدش عمله بالجرأة دي".
