إسعاد يونس: المتحدة للخدمات الإعلامية تسعى لإعادة العصر الذهبي للإعلام
وجهت الفنانة والإعلامية إسعاد يونس، التحية للشركة المتحدة للخدمات الإعلامية، مشيدة بما تقوم به الشركة والعاملين فيها من جهود لتقديم محتوى إعلامي ذات جودة عالية للمشاهدين، وقالت: "عندنا حلقة بنرد فيها الحق لأصحابه، وبنعترف بمجهودهم وينشكرهم على هذا المجهود وبنعرفكم كمان على هذا المجهود اللي بتقوم به الشركة المتحدة للخدمات الإعلامية".
إعادة العصر الذهبي للإعلام
وأضافت إسعاد يونس، خلال حلقة اليوم الإثنين، من برنامجها "صاحبة السعادة"، المذاع عبر فضائية "dmc": "الحقيقة أنا في المطبخ، وأنا شايفة اللي بيحصل فيها، واللي هو في الآخر هيتعرض عليكم، وأنا متأكدة إنه هيعجبكم".
وتابعت: "إن المجموعة الكبيرة التي تقوم على العمل في الشركة المتحدة معنيين جدًا بنوع الكواليتي (الجودة) بتاع الإعلام اللي بيتقدم لكم، ومعنيين جدًا بالكلام اللي بنردده كلنا في مصر على الفن والعصر الذهبي للإعلام اللي كنا بنشوف فيه برامج عن البالية وعن الموسيقى وعن الأفلام إن كانت سناء منصور ولا درية شرف الدين ولا يوسف شريف رزق الله.. كانت ناس بتعلمنا يعني ايه سينما وبرامج كتيرة بتعلمنا ازاي المجتمع قائم وطبقاته بتتعامل ازاي مع بعض، برامج الأطفال والموسيقى والعلم والإيمان والبحار".
عودة برامج الأطفال
واستطردت صاحبة السعادة: "الحقيقة كان فيه نهضة إعلامية متميزة والمتحدة للإعلام بتبحث عن هذه النهضة من جديد، وبما يشبه العصر اللي احنا فيه، يلاقوا إنه فيه نقص في برامج الأطفال فيشتغلوا على برامج الأطفال، وأنا جوه المطبخ وشايفه، وهوري لكم دلوقت ازاي هيحصل نهضة في برامج الأطفال وهنرجع الأطفال تاني يتفرجوا على التلفزيون والأهم هيتفرجوا مع عائلاتهم".
كيميت وصلتنا بتاريخنا
وقالت الفنانة إسعاد يونس: "دي حاجة كنا بندور عليها كلنا، سواء في صاحبة السعادة من ساعة ما بدأنا أو في بقية البرامج اللي بتحاول تجمع الأسرة من أول وجديد"، لافتة إلى أن المتحدة للخدمات الإعلامية يفكرون أيضًا في السياحة والتعليم والنهضة الحضارية وصلتنا بتاريخنا، وصلتنا بمصر "كيميت" اسم مصر العظيم القديم.
كما أشارت صاحبة السعادة إلى النهضة التي تشهدها قناة "إكسترا نيوز" وطاقات الشباب داخل هذه القناة، مؤكدة أن جهود الشركة المتحدة ستظهر قريبًا أمام الشعب المصري.
