لميس الحديدي تكشف سيناريوهات صادمة بشأن سعر الجنيه أمام الدولار
قالت الإعلامية لميس الحديدي، إن الفترة القادمة ستشهد سياسة مرنة لسعر الصرف، مشيرًا إلى أن هذه الفترة سوف يتبعها تراجع لقيمة الجنيه أمام الدولار.
وأضافت: "لميس الحديدي" خلال تقديم برنامجها "كلمة أخيرة" المذاع على فضائية "أون" مساء اليوم السبت: "هنشوف ارتفاعات أخرى من الواضح أنها ستكون تدريجية".
وتابعت: "أتمنى التجار مايسعروش تاني لأنهم مسعرين على أعلى ارتفاع بالفعل، بلاش تلاقي سعر الدولار رايح في اتجاه القرشين فتقوم رافع تاني لأنك بالفعل عملت ده من فترة مش عاوزين تضخم كبير لأنه مهما ارتفع سيوصل لسقف معين مش هيتخطاه زي 2016".
واستطردت: "الدور على الدولة والمواطن والدولة قبل المواطن ولازم الدولة تحدد أولويات المشروعات ماينفعش تقول هعمل كل حاجة فإذا كنت أنت هتعمل كده بتطلب مني لي كمواطن ارشد ؟ هتكملوا المشروعات كلها منين في الوضع ده؟ ولازم كمواطن أحس أن الدولة بترشد معايا مش بس بتطفي النور".
وتابعت: "ترشيد الحكومة في أولويات المشروع ولازم المواطن يحس بده عشان يقدر يرشد وإنما مقدرش اطلب من المواطن ترشيد أكتر من كده".
