خالد الجندى: 11 وصفا يؤكد مشقة سيدنا موسى لدفع أغلى مهر فى التاريخ
قال الشيخ خالد الجندى، عضو المجلس الأعلى للشئون الإسلامية، إن البعض يشكك ان أغلى مهر فى التاريخ كان لسيدنا موسى عليه السلام، بخدمته ١٠ سنين، فى مشقة وتعب، لافتا إلى أن كل التفاسير أجمعت على أن سيدنا موسى أتم ١٠ سنين كمهر لزوجته.
أغلى مهر فى العناء والمشقة
وتابع الجندى، خلال حلقة برنامج "لعلهم يفقهون"، المذاع على فضائية "dmc"، اليوم الأربعاء: "يطلع واحد يقولك ده مش أغلى مهر، أغلى مهر كان بتاع الروميساء، لأن مهرها كان أن زوجها أسلم، ده مش أغلى مهر ولا حاجة ده خدها ببلاش، مش عشان أسلم، لو هنزايد على بعض يبقى أغلى مهر دفعه سيدنا النبى محمد صلى الله عليه وسلم، اختارته السيدة عائشة لأخلاقه، وإنك لعلى خلق عظيم، يا صاحب الرسالة معاك للصبح لو العملية وعظ".
استكمل: "أنا أقصد إن أغلى مهر فى العناء والمشقة، ويطلع واحد يقولك ده لو هياخد فى الشهر ١٠ آلاف جنيه، يبقى المهر كله مش هيكمل مليون و١٠٠ ألف جنيه، ربنا ما يحكمكم فى شيخ ولا نبى، بقولك الراجل اشتغل ١٠ سنين أشغال شاقة، والناس عندها جرأة دون علم".
سيدنا موسى قضى ١٠ سنين أشغال شاقة
وفند الجندى، أسباب أن سيدنا موسى، قضى ١٠ سنين أشغال شاقة، قائلا: "من أهم مراجع القصص القرآنى فى العالم، ولقد اقتطع موسى ١٠ سنين من حياته فى البر والصحراء يتابع الأغنام يتعرض للحر والريح والنصب، وما يبذل من الجهد المشقة والمعاناة، أهو ١١ وصفا لمشقة سيدنا موسى، يعنى انت هتتزوج وتعيش فى المشقة والتعب ده لمدة ١٠ سنين، وتقولى فى أغلى من كده مهر ".
