"اشربوا من البحر".. تعليق قوي من مفيدة شيحة لمنتقدي المطلقات (فيديو)
انتقدت الإعلامية مفيدة شيحة نظرة المجتمع السلبية للسيدة المطلقة، قائلة: "اشربوا من البحر، متتصعبيش على نفسك. متتباكيش ومتقوليش أنا ضعيفة ومخذولة ومظلومة".
نصيحة مفيدة شيحة للمطلقة والآنسة
وقالت "مفيدة شيحة" خلال تقديم برنامجها "الستات" المذاع على فضائية "النهار" مساء اليوم الثلاثاء: "متكتبيش بوستات عن مميزات العزوبية وأنه ملعون أبو الرجالة وإنك هتحضني نفسك وتحبي نفسك وتدلعي نفسك، لو مش متجوزة متشتميش في اللي عندهم أطفال ولا تنصحي المتزوجات".
وأضافت "لو لسه بنت في بداية حياتها متنصحيش أصلا لأن خبرتك في الحياة هي الكام واحد اللي ارتبطتي بيهم ولأن دي مش طريقة لطيفة لجلب العرسان، هما بقوا أوعى من كده، باختصار خليكي في نفسك واهتمي بيها وقوميها واسعديها بعيدا عن السوشيال ميديا".
