قرية تعلق لافتة لمنع دخول المتسولين..وتامر أمين: "مش بساعد الشحاتين.. ومكانهم السجن"
أثنى الإعلامي تامر أمين، على اللافتة التي علقها أهالي قرية كفر أبو سالم، لمنع دخول المتسولين إلى القرية، وتتوعد بتسليمهم للشرطة، مؤكدًا أنه شخصيًا لا يساعد الشحاتين لأنها جريمة.
مش بساعد الشحاتين
وقال الإعلامي تامر أمين، خلال برنامجه "آخر النهار"، المذاع عبر فضائية "النهار"، مساء اليوم الإثنين: "أنا مبساعدش الشحاتين اللي في الشارع، لا أتصدق على اللي واقفين في إشارات المرور والنواصي وتقول لله، بأتصدق في أماكن تانية مش هأقولها حتى لا أضيع أجري بالمن والأذى".
مافيا وعصابات
وتابع: "الشحاتين مافيا وعصابات، اللي بيمد ايده وعاملها شغلته مش محتاج يسترزق من الشغلانة دي، المحتاجين الحقيقين تحسبهم أغنياء من التعفف، عندهم عفة نفس، والمحتاج وعنده مشكلة بيسأل ربنا، ربنا الرزاق، اللي بيسأل الناس متثقش فيه".
وأضاف مقدم "آخر النهار": "كل صداقاتنا وزكاواتنا يجب أن تكون للمستحقين، نبذل مجهود في البحث عنهم ولا نستسهل ونمنحها للشحاتين"، مشددًا على أن مكان الشحاتين والمتسولين هو السجن.
مكانهم السجن
واستطرد تامر أمين: "بالقانون يتعملهم تحري ويتحبسوا، التسول والشحاتة ليست مهنة يعرفها القانون، ومن يضبط يجب أن يقبض عليه، ولحد ده ما يحصل، احرموهم من مصدر دخلهم، لما يلاقوا الحنفية اتقفلت هيدوروا على شغل، طول ما بتدوهم فلوس، هيفضلوا يشحتوا، وفيه ناس بتديهم الفلوس إحسان وناس بتديهم زهق".
