أحمد موسى لطلاب الثانوية العامة: "اختاروا الكليات اللي ليها مستقبل.. مبقاش فيه شغل"

أعرب الإعلامي أحمد موسى، عن صدمته من نتائج تنسيق الجامعات المرحلة الأولى، قائلا: “كلية الطب بتاخد حاليا 90 و91%.. ده اللي كان بيجيب 97% مكانش بيعرف يدخل طب واللي كان بيجيب 95% مكانش بيعرف يدخل هندسة.. أنهي تعليم ده”.

إيه نسب الثانوية العامة ديه

وأضاف خلال برنامج “على مسؤوليتي” المذاع على قناة صدى البلد، اليوم الأربعاء: “إيه نسب الثانوية العامة ديه.. إيه اللي حصل على جماعة.. الحد الأدنى 58% أدبي مرحلة ثانية، وكلية السياحة والفنادق بقت مرحلة ثانية!!”.

ونصح موسى، الطلاب باختيار الكليات التي لها مستقبل للعمل: “أنا بنصح ولادنا أرجوكم اختاروا الكليات التي له شغل.. مبقاش فيه شغل دلوقتي”.

القنوات مش هتعين كل الخريجين 

وتابع: “ابحثوا عن الكليات التكنولوجية، الزراعة لها مستقبل والذكاء الاصطناعي.. مش هتروح وزارة الخارجية، دول بياخدوا 50 لـ 60 واحد فقط”، مردفا: “القنوات مش هتعين كل الخريجين الصحافة مش هتاخد كل الخريجين، بياخدوا نسبة”.

مش بنصحك اقتصاد وعلوم سياسية إيه مستقبلها

وأكمل: مش بنصحك اقتصاد وعلوم سياسية إيه مستقبلها.. أنا بنصحك عن خبرة.. أنا خريج كلية آداب صحافة سوهاج دفعة 83، ودخلت مؤسسة الأهرام ضمن 5 فقط"، مؤكدا أنه لا يوجد تعيينات حاليا في المؤسسات القومية.