"الناس حاسبنها صح".. تعليق ناري من عمرو أديب على أزمة فيلات الساحل الشمالي (فيديو)

علق الإعلامي عمرو أديب، على أزمة فيلات الساحل الشمالي والتزاحم لشراء فيلات بأسعار تراوحت ما بين 118 و120 مليون جنيه.

وقال "أديب" خلال تقديم برنامجه "الحكاية" المذاع على فضائية "إم بي سي مصر": "الناس توقفت جدًا عند أن فيه مشروع نازل لفيلات بـ118 أو 120 مليون جنيه".

ساندي برفقة الإعلامي عمرو أديب في أحدث ظهور لهما بإسبانيا

من إسبانيا.. جميلة عوض برفقة عمرو أديب وشيرين رضا

لماذا التزاحم على فيلات الساحل الشمالي؟

وأضاف "الناس قالت ايه يا جماعة ده وإزاي السعر شايفين الناس اللي راحت دفعت 118 و120 مليون جنيه ده فيه ناس مش لايقة اللضة وفيه ناس تعبانة حرام عليكو ارحموا الناس".

وتابع "حتى الرخيص بتاع هذه الفيلات بـ50 و40 مليون جنيه وأي مواطن لا يملك كابينة في الإسكندرية دخل في هذا الموضوع وأدلى بدلوه، بعيدًا عن أن الناس حرة اللي عايز يشتري يشتري".

هذه الأسعار ليست جديدة 

واستطرد "الناس دي اشترت ليه ولماذا حدث هذا الشراء، هذا الشراء حصل في مشروع جديد لإحدى الشركات ودي مش أسعار جديدة هي باعت فيلات بهذه الأسعار السنة الماضية واللي قبلها".

وأردف "عايز أسال سؤال أزعم أن محدش سأله الراجل اللي اشترى فيلا بـ100 مليون هل ده راجل معندوش فيلا ولا ساكن في الساحل فعلًا في الغالب هو ساكن في الساحل وعنده فيلا أو اتنين".

واستطرد "الناس اللي راحت وتزاحمت زي ما اتقال وإحنا نتحدث عن 300 فيلا تبصوا من وجهة نظر المواطن الذي يشتري عارف أن فيه 3 أو 4 شركات في الساحل معروفين وأن هناك زيادات من 30 إلى 40% على هذه الأسعار".

مش شارين علشان يسكنوا 

وأردف " اغلب الناس لما اشتروا في هذا المشروع ضعفوا فلوسهم، لأن أغلب الناس مش مشترية علشان تسكن خاصة التسليم بعد أربع أو خمس سنين وقدامهم لا يقل عن 6 سنوات حتى يزدهر هذا المجتمع بالخدمات".

واستكمل حديثه "هذا المواطن في الغالب شاري مش علشان يسكن دلوقتي ولكن علشان القيمة المضافة وأنهم يكسبوا خاصة مع ارتفاع أسعار الدولار وهما حاسبنها صح وغالبًا هذه الشركات تبيع لنفس عملائها".