شاهد.. عمرو أديب عن فاتورة فول وطعمية الساحل: "قوم امشي.. ولو عايز كع"
علق الإعلامي عمرو أديب، على انتشار فاتورة لوجبة فول وطعمية في الساحل تتعدى الألف جنيه.
وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة: "تقوم تلقى حد حاطط فاتورة مطعم ويتعجب من الأسعار، هل أنت رايح المكان ومتوقع أنهم يوزعوا الأكل مجانًا".
وأضاف "أنت رايح فين دايما عندك وجهة نظر أنت دخلت ولا تعلم انت جاي تروح مطعم ومتوقع أن فلوسه قليلة من الأول أنت ملكش ذنب في العالم وأنت داخل عليها طبق فول بمليون جنيه قوم امشي انتوا عايزين تقنعوني أنكم تفاجأتم بالأسعار".
أسعار الساحل الدوبل
وتابع "أسعار الساحل الدوبل لأنه عنده وقت قصير وعنده عمالة وعنده إيجار فهو كله على الزبون، أنت عايز تتقمع وتقعد في المكان الفلاني يبقى أنت عايز ده لو عايزه ادفع وكع مش عايز امشي روحت مكان واكتشفت أنهم بيبعوا سلعة معينة بسعر غالي قوم امشي".
واستطرد "أنت جاي هنا ليه انت داخل المكان ده ليه عايز تستمتع هو الراجل حر يحط الأسعار اللي هو عايزها، هو عايز يبيع كده الطبق عندهم ملكش دعوة وملكش فيه، وبعدين فيه ناس في الساحل رجعت لأيام زمان وبتجيب الأكل وتعمله في البيت في أسواق كتيرة عند العرب في المنطقة والواحد لازم يسأل قبل ما يشتري أنا نفسي بسأل على السعر قبل أي حاجة".
