خالد الجندي: حذرت من سفهاء فتاوى الجن والأعمال والمقابر والبنوك (فيديو)
وجه الشيخ خالد الجندي، عضو المجلس الأعلى للشئون الإسلامية، رسالة إلى الشيوخ الذين يصدرون الفتاوى في القضايا المجتمعية الشائكة التي قد تعرضهم إلى السب والشتائم من البعض.
رسالة الجندي للشيوخ
وقال "الجندي" خلال تقديم برنامجه "لعلهم يفقهون" المذاع على فضائية "دي إم سي" مساء اليوم الأربعاء: "للشيوخ لو هتقول الفتوى هتلاقي ناس بتشتمك وتقع في عرضك هتتحمل ده يبقى أهلا وسهلا، لو مش هتستحمل يبقى خليك قاعد وقول للناس مواعظ ورقائق أنت حر".
وأضاف "وإنما سكة أنك تواجه المنكر وتدافع عن وطنك وتنتمي لبلدك وتحذر الناس وتحترس من كل نصاب مش سكتك، تحذر الناس من النصابين والدجالين اللي بيشيعوا الأعمال والشعوذة والرقية الشرعية هتتحمل أذاهم وطولة لسانهم ولا مش هتتحمل يبقى مش تفتح".
فتاوى الدفاع عن قضايا المرأة وإسقاط الطلاق الشفوي
وتابع "زي ما طلعت وقولت للناس يحطوا فلوسهم في البنوك الحلال وميسمعوش كلام النصابين والدجالين اللي بيقولوا أموال البنوك ربا علشان كروش المستريحين والفتاوى السلفية اللي جاية من ورائهم اللي بيقبضوا بالريال والدولار واليورو".
واستطرد "إنما هتسمع كلام اللي بيهددوك بآيات الربا اللي كانت نازلة في ربا الجاهلية يكذبوا عليكم علشان يأكلوا فلوسكم وتدخل في نصر قضايا المرأة وإسقاط الأكذوبة المسماة بالطلاق الشفوي لو تقدر على ده اتفضل، لو مش هتقدر يبقى الضعفاء يمتنعون وشكرًا".
