أحمد موسى: اترفع عليا 40 قضية.. ومش مهتم بالسوشيال (فيديو)
قال الإعلامي أحمد موسى، إن الأهلي قدم أسوء مباراة له خلال الشوط الأول من لقاء القمة في نهائي كأس مصر، التي انتهت بفوز الأبيض بهدفين مقابل هدف.
مفيش على راسنا بطحة
وتابع موسى خلال برنامج “على مسئوليتي” على قناة صدى البلد: "مفيش على راسنا بطحة، بقول للكل، برنامجنا مش بتاع حد، بتاع كل الجماهير، نقول ما نؤمن به، عايزين روح رياضية وفرق أفضل"، مردفا “الساحة الرياضية أفضل اليوم، ويوجد ردع، لكن يجب أن يكون العنوان مصر العظيمة”.
أكتر واحد مش مهتم بالسوشيال ميديا
وأضاف موسى "أنا أكتر واحد مش مهتم بالسوشيال ميديا، بتعرض لهجوم وعارف مصدره إيه من 2013، اللي بيحصل ده بيديني قوة، ومش بيضايقني، ولا بيخليني أخاف أو أقلق أو غير قناعاتي، اترفع عليا 40 قضية، مفيش حد في الإعلام اتعمل معاه كده، اترفع قضايا ضد هذا البرنامج لإسكات الصوت، هما اللي اتسجنوا والصوت ما زال موجودا"، مردفا "الأهم الإيمان بما نقول، كتير ناس عملت فيديوهات ومش بنرد عليها، إحنا بنطلع لجمهورنا اللي بيستنانا في مصر والعالم العربي، هذا البرنامج واحد من أهم البرامج والأعلى في نسب المشاهدة في مصر والعالم العربي، لدينا مصداقية وقناعتنا مستمرة".
