الـ 5 أرغفة 450 جراما.. أحمد موسى يطالب المواطنين بوزن الخبز (فيديو)
قال الإعلامي أحمد موسى، إن جهاز حماية المستهلك قام بجولة متنوعة، اليوم الثلاثاء، مستنكرًا غش الأوزان في أحد الأفران السياحية التي من المفترض أنها تبيع رغيف الخبز السياحي وزن 90 جرامًا بجنيه واحد.
واستنكر موسى، خلال تقديم برنامج “على مسئوليتي” المذاع عبر قناة “صدى البلد”، ما تم اكتشافه في مخبز نور الإسلام السياحي في حلوان؛ عندما قام مسؤول الضبطية القضائية بحماية المستهلك بوزن 5 أرغفة ووجدهم 330 جرامًا بدلًا من 450 جرامًا.
هؤلاء الناس بلا أخلاق ولا بد من محاكمتهم
وتابع أحمد موسى، أن هؤلاء الناس بلا أخلاق ولا بد من محاكمتهم، مستطردًا: "هو فعلا لقمة، شوفوا الجبروت الخمسة وزنوا 330 جرام"، مطالبًا وزير التموين بإغلاق مثل هذه المخابز، مضيفًا: “بقلك يا مواطن أي عيش تشتريه توزنه؛ ما تاخدش وتعبي وتمشي؛ علشان تتطمن على الوزن”.
يا سيادة الوزير لازم تشوف مفتش التموين المسؤول عن المخبز ده
وأوضح الإعلامي أحمد موسى، أنه لا بد أن يتم اتخاذ إجراء ضد هؤلاء المواطنين المفتقدين للأمانة، مضيفًا: “يا سيادة الوزير لازم تشوف مفتش التموين المسؤول عن المخبز ده، عندنا خلل، والمخبز ده كسب من جيب الناس لما إداهم عيش أقل من المفترض إنه يديهولهم”.
وأشار موسى إلى أن هذه الأمثلة تحقق ثروات من وراء المواطن، متسائلًا: "كم مخبز بيعمل اللي بيعمله الأخ بتاع مخبز نور الإسلام"، مؤكدًا أن مسؤول الرقابة الإدارية وزن 5 أرغفة آخرين وزنوا 310 جرامات بدلًا من 450 جرامًا.
خد كل رغيف مظبوط
وأكد أحمد موسى، موجهًا حديثه للمواطنين: “خد كل رغيف مظبوط، العشرة يعملوا 900 جرام، رغيف 55 جرام؛ أصغر رغيف شفته في حياتي، أصغر رغيف في مصر، وازاي الخباز قدر يظبط الوزنة دي؟، مفيش حمد وشكر”.
أنا عاوز يتعمل حملة على الفينو
ولفت موسى إلى أن “أنا عاوز يتعمل حملة على الفينو، الناس بتشتكي من العيش الفينو، وأناشد وزير التموين اقفل المخبز اللي زي كده، ونأخذ إجراءات رادعة، ما هو لو بيحمد ربنا ميعملش كدة في الناس، ده سرقة ونصب على الناس؛ يا راجل عيب عليك ده اسم المخبز نور الإسلام وبتعمل كدة في العيش!”.
