السيسي يكشف عن مصادر تمويل العاصمة الإدارية: "إحنا ناس صادقين وشفافين" (فيديو)

قال الرئيس عبد الفتاح السيسي: "إن شركة العاصمة الإدارية عايزة تأجر لنا منشآت الحي الحكومي بـ 4 مليار جنيه سنويًا".

وأضاف "السيسي"، خلال كلمته على هامش افتتاح عددا من مشروعات مصر الرقمية لوزارة الاتصالات وتكنولوجيا المعلومات، اليوم الأربعاء: "في ناس كتير بتقول أنتو بتجيوا الفلوس دي منين، والحي الحكومي والعاصمة دي من أموال الحكومة، وأحنا ناس صادقين جدا وشفافين" معقبًا للدكتور محمد معيط وزير المالية: "شركة العاصمة الإدارية طلبت كام يا دكتور معيط"، ليجيب: "طلبت 4 مليار جنيه حق انتفاع في السنة".

وعقب الرئيس السيسي: "لأن الشركة عملت الشغل ده كله من خلال مواردها الذاتية وبتقول هأجرلكم، طيب ماهي الشركة بتاعت الدولة، هي الدولة بتدي الدولة طيب ما هي كانت فكرتها وهي اللي عملت الاستثمارات"، ليتدخل وزير المالية قائلًا: "بدفعها ضرايب وباخد منها جمارك على أي حاجة بتستوردها"، ليعقب الرئيس ضاحكًا: "دفعها ضرايب خد حقك يعني"، مردفًا: أن شركة العاصمة لديها كاش في البنوك 40 مليار جنيه، ومستحقات مثلها أو أكثر بعد كل ما حققته من مشروعات".

وأردف: "الناس كانت بتقول أنتوا بتعملوا العاصمة ليه ماتدونا الفلوس دي نعيش بيها، البلاد مش بتعيش كده، البلاد بتفضل تبنى وتعمر في نفسها علشان تاخد مكانها وسط الأمم، وده مش بييجي غير بالأفكار والصبر والتضحيات، لو أنتو عايزين تعملوا دولة ذات شأن تقول الحكومة الذكية عنوان في الإعلام، لكن علشان نعمل حكومة ذكية تكلفني 100 مليار جنيه".