على الهواء.. "بسنت حميدة" تُقدم هذا الوعد للمصريين

علقت بسنت حميدة، لاعبة المنتخب الوطني لألعاب القوى على تأهلها لمنافسات 200 متر عدو في منافسات دورة ألعاب البحر المتوسط المقامة بمدينة وهران بالجزائر.

وقالت "بسنت حميدة" في اتصال هاتفي مع الإعلامية لميس الحديدي ببرنامج "كلمة أخيرة" المذاع على فضائية "أون" مساء اليوم السبت: "بكره الفاينل وربنا يقدرني وأجيب ميدالية ذهب تانية لمصر بإذن الله".

اقرأ أيضًا:

زوج بسنت حميدة يكشف سر دعمه لها (فيديو)

المنافسة على مسافتي 100 و200 متر بنفس القدر من الصعوبة

وأضافت "المنافسة على مسافتي 100 و200 متر بنفس القدر من الصعوبة والتحديات لأنهما أعلى السرعات في البطولة  ويحتاجان كل شيء طاقة وتركيز من بداية التدريب حتى النهاية بكل التفاصيل".

 وتابعت "إحنا بنتدرب أننا نجري بأجزاء من الثانية وبالتالي التحدي صعب، لكن ربنا يوفقني وأعمل واحدة تانية بكره أنا حطمت رقم قياسي في دورة ألعاب البحر المتوسط وهو أول رقم  يحقق فيها منذ تأسيسها".

أولمبياد طوكيو 

واستطردت "كنت محبطة في أولمبياد طوكيو بسبب الإصابة قعدت شهرين أو ثلاثة في حالة نفسية صعبة وكلها تأهيل وعلاج لكن لما بقع أو تحصلي مشكلة بعرف أن ربنا شيالي الأفضل وأن ربنا لما بيأخد حاجة بيديني الأحسن وراضية   بأي اختيارات ربنا وحكمته في الاختيار جميلة".

وأردفت "من وقت الإحباط  والطاقة السلبية أخذت عهد على نفسي أن الدموع مش هتنزل تاني إلا في انتصار وفرح  وبعد دعم أهلي وأسرتي والمدرب بتاعي وقف معايا وساعدني".

زوجها ومدربها في نفس الوقت 

واستكملت حديثها "كنت بدور عليه لإني أول ما شفت دموعه وهو عيط عليا كتير قبل كده من الزعل عليا ولما لقيته  عيط من الفرح".

وأضافت "رحتله وقلتله دموعنا نزلت من الفرح النهاردة لكنه تعب معايا كتير ووقف معايا وعمره ما زهق ولا أصابه اليأس، كل ما أشوف الفيديو أعيط".

وتابعت “هو كابتن أصلًا بطل من أبطال ألعاب القوى  وكان بطل مصر وإفريقيا وأول ما بدأت ألعب ألعاب القوى كان يتدرب مع نفس المدرب اللي بتدرب معاه".

وأوضحت "ووقت الثانوية العامة مكنتش بعرف أحضر التدريب بسبب المذاكرة ومن وقتها وهو وقف معايا بشكل أبوي أوي، بيقف معايا دايمًا من وقتها ودخل المجال عشان يساعني وأخد كورسات تدريب لمساعدتي".