صاروخ ماشي على الأرض.. أحمد موسي يشيد بالعداءة بسنت حميدة (فيديو)

أشاد الإعلامي أحمد موسى، بنجوم مصر في منافسات دورة ألعاب البحر المتوسط في الجزائر، مشيرا إلى أن البطولة شهدت ظهور العديد من أبطال مصر الرائعين في العديد من الألعاب.

بسنت الله عليكي

وأضاف الإعلامي أحمد موسى، خلال برنامجه التليفزيوني، “على مسئوليتي”، عبر قناة “صدى البلد”، أن البطولة أفرزت موهبة مصرية رائعة وهي العداءة بسنت حميدة، في بطولة السباق الـ 100 متر “عدو”، قائلا: “بسنت الله عليكي النهاردة تقدمت في سباق 200 وبقت في الصدارة ورقم واحد وتصدرت تصفيات الـ 200 متر وهتلعب على النهائي”.

 "بسنت بطلة مصرية واعدة قادمة

وتابع الإعلامي أحمد موسى: "بسنت بطلة مصرية واعدة قادمة بسم الله مشاء الله عليها البنت كانت بتبكي وهي بتسخن وتستعد كان معها 7 أفراد من السيدات وقدرت تتصدر وهتعلب النهائي بكرة وإن شاء الله هتكون في أولمبياد باريس 2024.

بسنت كانت صاروخ بيجري على الأرض

وقال الإعلامي أحمد موسى: "مكنش عندنا ألعاب القوى كنت ديما بشوف من جامايكا وإثيوبيا ليه مش عندنا يقولك أصل عندهم الهضاب والحرارة مصر عندها نقول في تدريب ومدرسة رياضية عندنا قوة الأداء.. بسنت كانت صاروخ بيجري على الأرض وفي مصر عندك النماذج العظيمة.. بنت مصرية شابة ولا أروع"

المصريون لازم يشوفوا العظمة اللى عملتها بسنت حميدة.

واصل الإعلامي أحمد موسى: "جمال إيه وعظمة ايه قوة إيه المصريين لازم يشوفوا العظمة اللى عملتها بسنت حميدة.. علم مصر كانت موجود في البطولة.. كل التحية للجمهور الجزائرى على مؤازرة المنتخبات المصرية في مختلف الألعاب.. انتى يا بسنت كلك ذهب بتقدمي نموذج للبنت المصرية اللى تتحدى أي حاجة في الدنيا من تركيا ومن كل العالم بلعب على الذهب وأتحدى الصعاب.. تركيز كبير لبسنت حميدة ينطلق على أرض وهران علشان تحصد الذهب".

مدربها مصري اسمه محمد عباس

وأوضح الإعلامي أحمد موسي، قائلا: “مدربها مصري اسمه محمد عباس اللى عملته بسنت فخر لينا كلنا واللي شوفته النهاردة حاجة إيه كل شوية اتفرج عليها علم مصر في الجزائر واللى علمته رسالة وانجاز كبير يا بسنت”.