تامر أمين في ذكرى 30 يونيو: "اللي عنده وطن يبوس إيده وش وضهر"

وجه الإعلامي تامر أمين، التهنئة إلى المصريين بمناسبة الذكرى التاسعة لثورة 30 يونيو، قائلًا "مصر تحتفل بالعيد التاسع لثورة 30 يونيو واللي عنده وطن يبوس إيده وش وضهر ويحمد ربنا على كده".

اقرأ أيضًا:

طارق الخولي: شهوة الإخوان نحو السلطة أحد أسباب نجاح ثورة 30 يونيو

تسع سنين على 30 يونيو 

وأضاف "أمين" خلال تقديم برنامجه "آخر النهار" المذاع على فضائية "النهار" مساء اليوم الخميس: "تسع سنين مروا من يوم ما خرجنا كلنا علشان ننقذ مصر ونرجعها ونوقف مصر على رجيلها، اللخبطة جاية أن التسع سنين عدوا في لمح البصر والناحية الثانية الأحوال اللي شفناها يحسسوك أننا عجزنا بدري".

لجوء الإخوان إلى العنف 

واستطرد "ثم جاء انتخابات 2012 اللي كان فيها 11 و13 مرشح صفصفوا على اتنين وجه حكم الإخوان قاعدنا سنة كبيسة لغاية ما ربنا شال الابتلاء اللي كان في مصر يوم 30 يونيو الدنيا مكنتش وردية وحصل اعتصام رابعة والنهضة وقرار الإخوان بالميل إلى العنف، ولكن المصريين تحملوا كل ذلك بالصبر والجلد والتلاحم وعملنا ملحمة في الصبر والصمود والتحدي ما بين 30 يونيو ونصد الحرب الشعواء اللي كانت مسلطة علينا من الإخوان في الداخل وكل مواليهم في الخارج، وكل هذا كان بفضل هذا الشعب وفي دهره الجيش والشرطة وتوفيق ربنا الذي أدى إلى هذه النتيجة في وطن مستقر وآمن".