أول تعليق من والد نيرة أشرف باكيًا: "عايز حق بنتي"
انهار أشرف عبد القادر، والد نيرة أشرف، في البكاء أثناء كشفه عن تفاصيل واقعة مقتل ابنته ذبحًا على يد زميلها قبل دخولها إلى جامعة المنصورة لأداء امتحانها.
وقال "عبد القادر" في حواره عبر تطبيق سكايب مع الإعلامي شريف عامر ببرنامج "يحدث في مصر" المذاع على فضائية "إم بي سي مصر" مساء اليوم الثلاثاء: "إنا لله وإنا إليه راجعون بنتي قدام عنيا مش قادر أنساها والأصعب حالة والدتها".
اقرأ أيضًا:
عائلة طالبة المنصورة تكشف معلومات جديدة عن الجاني (فيديو)
مفيش نوم ولا أكل بنتي قدام عنيا على طول
وأضاف: "مفيش نوم ولا أكل بنتي قدام عنيا على طول مش قادر أنساها وأنا لقيت ناس بتتصل بيا وبتقولي بنتك اضربت بالسكينة كنت فاكر أنها متعورة ولما روحت لقيت بنتي في المشرحة، بنتي والمتهم اتعرفوا على بعض سنة 2020 وكان ضمن مجموعة زملاء وهو ساعدها في عمل الأبحاث وقت كورونا ومن ساعتها وهو مش عايز يبعد عنها".
حررنا 4 محاضر ضده وأخواله قالولي اسجنوه
وتابع: "حررنا 4 محاضر في مركز الشرطة ضد المتهم قبل مقتل ابنتي كان آخرها يوم 13 أبريل الماضي في رمضان منهم محضرين في مباحث الإنترنت، وقبلها كنت قعدت مع خالو حسين وخالو محمد وفي الأول قالوا إنهم هيكلموه وده كان وسط ناس وبعدها قالولي اتصرفوا معاه واسجنوه".
