لميس الحديدي ترد على مهاجمي نيرة أشرف: "بتطلعوا من الجحور إمتى.. أنتوا مالكم بلبسها؟"(فيديو)

علقت الاعلامية لميس الحديدي، على واقعة  ذبح الطالبة نيرة أشرف، قائلة: "هناك حالة من التوحش  الان،  ليست في مصر فقط في العالم اجمع، مش عارفة بقينا عايشين في حالة توحش،  وده مش في مصر فقط، لكن  حتى الولايات المتحدة، بقينا بنشوف طالب  ماسك مدفع رشاش  ويفتحه على أطفال وقتل   18 طفلًا "

"مكنتش  متخيلة نشوف جرائم زي دي في مصر"

 تابعت "الحديدي"، خلال تقديمها برنامج "كلمة أخيرة"، المذاع على فضائية "ON"، مساء الإثنين،: "خلونا نرجع للمجتمع المصري  مكنتش  متخيلة نشوف جرائم زي دي في المجتمع،  أم تقتل ولادها، وواحد يدبح زميلته.. السؤال في قصة نيرة اشرف هل لو رفضت فتاة واحد  يقتلها؟، مش عاوزة استبق الاحداث، بس أكيد القاتل مريض، أو متعاطي لشيء  ما،  مش معقول  ده سبب  دي جريمة بلا سبب "

 لا يوجد أي مبرر لقتل الطالبة نيرة

 وانتقدت "الحديدي"  منتقدي "نيرة" بسبب عدم الحجاب  أو طريقة ملابسها قائلة: "في وسط غضب المجتمع المصري، بتخرجلنا بعض التعليقات إلى بتبرر  وتقول  كاشفة الرأس، وليست محجبة،  لابسة بنطولون جينز، أو التشكيك في سلوكها   .. إنتوا بتطلعوا منين؟ من الجحور ؟ وهل لبسها يبرر القتل؟، وإنت مالك بلبسها؟،  مين عينك قيم على المجتمع أو حامي   حما الاخلاق مافيش شيء يبرر القتل، عاوزها حضرتك  لابسة إزاي؟،  هو لو أنا مش محجبة تقتلني ؟ لبسها طبيعي  جدًا ومحتشم ؟ ولا أي مبرر للرجل وخلاص؟ أو أي مبرر يبيح قتل البنت وخلاص ؟"

 اقرأ أيضًا...جامعة المنصورة تطالب بطرح قضايا العنف على مائدة الحوار الوطني (فيديو)

وعرضت "الحديدي"  نموذج لاحد هذه التعليقات لشخص  تساءل لماذا تكبرت الراحلة عليه ولم تمنحه فرصة ؟ ليه كسرت قلبه  ؟ قائلة: "شخص مستفز المفروض يترفع عليه قضية  يا رب يتكسر قلبك يا شيخ".