لميس الحديدي تسخر من أنباء التواصل مع كيروش لتدريب المنتخب من جديد

علقت الإعلامية لميس الحديدي، على الأنباء التي ترددت بشأن إعادة تفاوض اتحاد الكرة مع المدير الفني السابق للمنتخب الوطني كارلوس كيروش، قائلة "إعادة التفاوض مع كيروش من مبدأ اللي نعرفه أفضل من اللي منعرفوش والحديث عن خطأ السهو في خطاب الكاف".

وقالت "لميس الحديدي" خلال تقديم برنامجها "كلمة أخيرة" المذاع على فضائية "أون" مساء اليوم السبت: "فكرة نجيبه واللي نعرفه أحسن من اللي مانعرفوش ليس له علاقه بكرة القدم والقواعد العلمية حاجة كده عاملة زي كورة حوكشة اللي بيلعب كورة في الشارع".

اقرأ أيضًا:

بعد الهزيمة المزلة.. لميس الحديدي تفتح النار على اتحاد الكرة

هزيمة المنتخب أمام كوويا متوقعة في ظل وجود منظومة متهالكة

 وفي وقت سابق قالت إن الهزيمة كانت متوقعة في ظل  وجود منظومة كروية متهالكة، معقبة: "كنا منتظرين إيه من منظومة اللا مشروع، هل كنا في إنتظار إنقاذ إلهي ؟، وإحنا بنتفرج كنا بنقول ربنا يستر وماتبقاش هزيمة كبيرة، لكن جت رباعية وده كتير".

الأجندة الكروية في مصر غير مفهومة

 وتابعت: "العالم كله بعد المسابقات الكبرى وخروج المنتخبات بيقف ويقيم ويعيد  هيكلة المنظومة والسؤال ؟  إحنا عملنا إيه ؟ مشينا  مدرب وجبنا أخر  وأقلناه، وهو على متن الطائرة،  ظلمنا الراجل رايح راجع  ومش عاوزين نحمل إيهاب    جلال وحده المسؤولية المنظومة كلها، من أول اتحاد الكرة الغريب واللاعبين الذين لم يبذلوا اي مجهود وفاقدين للروح وبيقعوا من أي إحتكاك وماعندهمش لياقة،  أو  منهكين لان الاجندة الكروية مش مفهوم رأسها من رجليها "