تعليق ناري من تامر أمين بعد تجنيس الشوربجي وتعيين مصرية وزيرة بأستراليا.. "فيديو"

عقب الإعلامي تامر أمين، على تجنيس اللاعب محمد الشوربجي، وتعيين المصرية عزة السروجي وزيرة في الحكومة الاسترالية، قائلا: "إحنا ملوك لعبة الاسكواش على مستوى العالم وعندنا كتير زي الشوربجي.. عندنا جيش من الأبطال بس الواحد بيحزن".

وأضاف تامر أمين، خلال برنامجه "آخر النهار"، المذاع عبر فضائية "النهار": كلنا جاتلنا صدمة لما عرفنا أن اللاعب محمد الشوربجي قرر أن يلعب باسم إنجلترا، وعلى فكرة الصدمة في محلها"، معتبرًا أن الصدمة الأكبر هي وجود الكثير من الأطباء والعلماء المسافرين في الخارج ولا أحد يذكر عنهم شيء، لافتًا إلى أن 7 آلاف عالم وطبيب تركوا مصر وقرروا العيش في انجلترا العام الماضي. 

وتابع: "عزة السروجي أول وزيرة مصرية مسلمة تُعين وزيرة في أستراليا، والناس دي بتسافر عشان تلاقي سيستم بيراعي الموهبين، ومحدش هيقصيه، أو يخاف أنه ياخد مكان"، مشددًا على أنه على المصريين أن يفهموا أنه "محدش بياخد رزق حد".

وعاود تامر أمين الحديث عن موضوع تجنيس الشوربجي قائلًا: "اللي مش عايز يرفع اسم مصر ويلعب باسم مصر وينافس ويقاتل علشان مصر، ما تمسكوش فيه، أوعوا تمسكوا في حد مش عايزنا"، مضيفًا: "هو شايف إنه مصلحته هناك، سواء فلوس أو ما تبقى من العمر، احنا كمان مش عايزينك، لكن يحز فينا ان انت ابننا، وكنا بنشجعه لحد آخر بطولة".