رئيس اتحاد الإسكواش: الشوربجي لم يتواصل معي قبل قرار التجنيس.. وتصريحاته متناقضة

علق عاصم خليفة، رئيس الاتحاد المصري للإسكواش، على  قرار محمد الشوربجي لاعب هليوبوليس والمصنف الثالث عالميًا لرجال الإسكواش، للعب باسم إنجلترا في البطولات المقبلة وليس باسم مصر.

وقال "خليفة" في اتصل هاتفي ببرنامج "مساء دي إم سي" المذاع على فضائية "دي إم سي" مساء اليوم الإثنين: "هو بيقول إنه اتعلم من وهو عنده 15 سنة من مدربين إنجليز وأنا بقوله إنك بدأت تلعب إسكواش وأنت عندك 9 سنين يعني اللي علموك الإسكواش هم المدربين المصريين".

وأضاف: "هو سافر لما بقى عنده 15 سنة علشان يكمل تعليمه بره وكان بيجي في المعسكرات وكنا بنوفر له التدريب والاحتكاك والسفريات أنا حاسس أن هناك تناقض كبير في تصريحاته وهو لم يتواصل مع أي فرد من زملائه قبل اتخاذ هذا القرار ولم نتواصل معه بعد اتخاذ هذا القرار".

وتابع: "قراره بالحصول على الجنسية واللعب باسم إنجلترا وإنه يعيش حياته هناك ويكون أسرته هو قرار شخصي وفردي وهو مكنش بيجي كتير مصر وهو كان مقل في زياراته إلا لو كان فيه بطولة وإحنا سنقوم بتحليل ما حدث علشان نشوف إزاي هنقدر نتلافى ذلك مستقبلا".