السيسي لوزير التموين: "الوقت صعب"

قال الرئيس عبد الفتاح السيسي، مخاطبًا الدكتور علي مصيلحي، وزير التموين: "أنا عايز اسمع الناس كلها إحنا جينا على مصانع منذ 3 سنوات، وقلت للدكتور علي اعملوا مصانع جديدة مثل "فها وإدفينا" وخلوا انتاجها موجود علشان يقدر يحل أزمات معانا لتوفير السلع في الأزمات المختلفة، وده فكر قديم خالص مش جديد.

وأضاف الرئيس السيسي، خلال كلمته على هامش فعاليات افتتاح مشروع مستقبل مصر للإنتاج الزراعي، اليوم السبت،: "أنا قولت لدكتور علي متشغلش بالك قوي أنك تجيب أفضل سعر ده هياخد سنة وهيضيع علينا وعليك فرصة، الدكتور علي مشي بطريقته خلاص، ميجراش حاجة"، معقبًا ضاحكًا: "الوقت صعب"، ليرد الدكتور علي مصلحي، وزير التموين، قائلًا: "إن شاء الله السنة القادمة يتم افتتاح  مجمع الصناعات الغذائية "قها وإدفينا"، والذي يقع بمدينة السادات، وهذا يمثل إضافة حقيقية في الصناعات الغذائية"    

وتابع الرئيس السيسي، لوزير التموين: "لو انتو حاسين على ضوء نتائج الأزمة سواء في كورونا أو الازمة الاوكرانية المصانع محتاجة تزيد فكروا واعرضوا عليا".