السيسي يوجه تحذيرا مهما لـ المصريين

قال الرئيس عبدالفتاح السيسي، إنه شاهد أراض تابعة لوزارة الزراعة ومحافظة البحيرة، في نطاق مشروع مستقبل مصر، معلقا: "وأنا جاي شوفت الأراضي دي، وواضح أن الأرض دي مش بيتعمل فيها شغل رغم تخصيصها لمستثمرين.. تطلع لجنة من وزارة الزراعة والري ونشوف لو في مشكلة ونقدر نساعد في حلها عشان تتزرع".

وأشار "السيسي"، خلال كلمته بفعاليات افتتاح مشروع مستقبل مصر للإنتاج الزراعي، اليوم السبت، "لما بنتكلم في افتتاح المشروعات بيكون الهدف نفهم بعضنا الحكاية إيه.. تفتكروا مشروع زي مستقبل مصر ياخد كهرباء قد إيه"، مضيفا: "الكلام اللي بيقال المهم نرد عليه".

وأضاف، "أنا مش بتكلم في رفاهية ولكن في عناصر مهمة، كان لازم نهتم بمشروعات الكهرباء والطرق"، مؤكدا أن رفع كفاءة البنية التحتية الأساسية ساهمت في تنفيذ المشروعات، متابعا: "انتبه.. اوعى تتكلم وتحط رجل على رجل وأنت الموضوع متعرفهوش.. الناس بتسمعك ولما يلاقوا الكلام مترتب يصدقوا أنه حقيقي، وتكون ظلمت نفسك وظلمت الكلام".