السيسي عن بيان 3 يوليو: "كنا حريصين لآخر لحظة ميحصلش صدام" (فيديو)
تحدث الرئيس عبد الفتاح السيسي، لأول مرة عن بيان 3 يوليو الشهير الذي جاء ردًا على تظاهرات المصريين في 30 يونيو.
وقال "الرئيس السيسي" خلال كلمته باحتفالية عيد الفطر والتي أذاعتها فضائية "اكسترا نيوز" اليوم السبت موجهًا رسالته إلى أبطال مسلسل "الاختيار": "شوفتوا قد ايه عمل درامي بألف كتاب وبألف ساعة حوار".
وأضاف "أنتوا متعرفوش انتوا عملتوا فينا ايه مش عايز اتكلم علشان ده عيد، ولكن تصدقوا بالله حتى البيان اللي كتبناه في 3 يوليو كنا حريصين لآخر لحظة ميحصلش صدام لا قولنا عزل رئيس ولا جماعة إرهابية ولا أي حاجة".
وتابع "حتى البيان اتكتب بس كتير منا ميخدوش باله، أنا بقول الكلام ده لان كتير من الناس مكنتش مصدقة ولكن لأجل خاطر الحقيقة اللي عملوها المصريين في 3 يوليو حاولنا نحل المسألة من غير مواجهة أو صدام ولكن مكنش حد عايز يفكر إذا كان ده حقيقة ولا نص حقيقة".
