السيسي: لهذا السبب لم أتآمر على مرسي بعد توليه الرئاسة (فيديو)

قال الرئيس عبد الفتاح السيسي، إن ما ظهر في مسلسل "الاختيار" كان الهدف منه تسجيل ما حدث بأمانة وإخلاص وشرف.

وأضاف "الرئيس السيسي" خلال كلمته في حفل إفطار الأسرة المصرية اليوم الثلاثاء: "هو المسلسل اللي اتعمل كان الهدف منه ايه، الهدف منه نسجل بأمانة وإخلاص وشرف في وقت ينعدم فيه الشرف والصدق إحنا بنزايد كتير إحنا كنا حريصين وأنا أقدر أكد لكم أنه على الأقل كل كلمة اتقالتا في الوقت ده مع الناس الكبار بمنتهى الدقة ده اللي حصل".

وتابع "معقول أن حد يبقى مختلف مع حد في أفكاره يساعده، يساعده ليه طيب يتأمر ميتآمرش ليه؟ لا والله أنا بحلف بالله أبدًا وسبب النجاح والتغيير أنه لا كان فيه تآمر ولا خيانة أو عدم الإخلاص لأن الإخلاص مكنش لحد، الإخلاص كان لله والوطن اللي مكنش يتحمل أكثر من كده".

واستطرد "أنا لما أجي أقف هذه الوقفة مع الرئيس مرسي الله يرحمه أنا بقف مع مصر،  لو تآمرت عليه بعد ما تولى يبقى أنا تآمرت على مصر والبلد وتآمرت على 100 مليون، ضيعت حياة ومستقبل واستقرار 100 مليون، الحب هنا ملوش مكان والفكر ملوش مكان".

وأردف الرئيس السيسي "الإخلاص والأمانة والشرف من أجل حماية وطن. في يوم القيامة هنقف قدام الله وكل واحد مننا بما فيهم أنا ونُسأل على كل كلمة وكل فعل أنا فعلته في حياتي كلها وفي هذه الفترة".