السيسي: "مستعد آكل ربع أكلة لمدة سنة عشان مصر تعيش"

قال الرئيس عبد الفتاح السيسي، إنه رغم أزمة كورونا والأزمة الأوكرانية ولكن الاستقرار والأمن والسلامة ضرورة للحفاظ على هذه الدولة.

وأضاف "الرئيس السيسي" خلال كلمته في حفل إفطار الأسرة المصرية: "قارنوا بين الوضع اللي إحنا فيه والوضع اللي فيه دول أخرى دخلت هذا المسار يا ترى مين منهم نجا مين اللي نجا مصر بس".

وتابع "في القرآن مش هتلاقي موضع ادخلوها بسلام الله آمنين إلا لمصر والجنة والحرم بس. يعني في يد اللطف والمعونة بتساعدنا ولازم نسجل ده بكل تواضع وشرف وربنا يفضل يساعدنا ويارب نضع الصورة جنب بعضها صحيح والوضع اللي مرت فيها مصر والصورة تبقى حاضرة علشان تفضل البلد حاضرة ومستقرة".

واستطرد "والله العظيم ثلاثة أنا مستعدة أكل ربع أكل لمدة سنة بس هي تعيش، وهذا الشعب المصري شعب صلب وواعي اللي إحنا مش بنقابلهم كتير بس أنا واحد منهم".

وأردف "فيه كلام عن الأزمات وكورونا والأزمة الأوكرانية لكن الموضوع الأكبر منه مش لقمة العيش فقط ولكن الاستقرار والأمن والسلامة ده اهم حاجة لأن اللي بعد كده ممكن يتحل بده لكن لو ده مش موجود مش ممكن نعمل ده".