أديب عن خصخصة الشركات: "عايزين فلوس.. إيه أهمية ملكيتك للمونوريل"
قال الإعلامي عمرو أديب، إن العالم كله يمر بأزمة اقتصادية، معلقا: "والجدع دلوقتي اللي يعرف يجيب استثمار"، منتقدا مهاجمي صناديق الاستثمار السيادية، مضيفا: "مصر مش بدعة.. بس في كلمة منحوتة من زمان إنت بتبيع البلد".
وأشار "أديب"، خلال برنامج "الحكاية" المذاع عبر فضائية "إم بي سي مصر"، مساء السبت، إلى أن هناك دول قامت ببيع شركات كبرى لديها، معلقا: "لو أنا قولت نعمل كده في مصر هتقولوا يا عميل.. هو أنتم عايزنا نقعد برة العالم، لازم نجيب فلوس"، لافتا إلى أن الشرط الأساسي للبيع أن يكون سعر البيع عادل، ومعرفة المشتري.
وأضاف، "وارد جدا أن يكون لدينا حاجات استراتيجية منفرطش فيها.. انتم عايزين تعملوا الحاجة ومحدش يقربلها، اللي بيعمل مشروع بره بيعمله عشان يتباع".
وتابع، "أنتم عايزين الشركات دي تعملوا بيها إيه، هى البلد دي هتقعد تصرف لحد إمتى، إحنا عايزين فلوس"، لافتا إلى أن مصر لا يجب أن تكون مناخا طاردا للاستثمار، مستطردا: "إيه أهمية ملكيتك للمونوريل.. حد هياخده ويمشي"، منوها بأن الدولة مدير فاشل دائما، ولكنها تضع القوانين وتنظم العمل.
