عمرو أديب يلقن مرتضى منصور درسا على الهواء

قال الإعلامي عمرو أديب، إن اللاعب الدولي محمد صلاح يريد أن يزيد راتبه ليصل إلى ما يعادل 2.5 مليون دولار شهريا، مضيفا: "مرتضى منصور طلع الأسبوع اللي فات قال للناس عمرو أديب بياخد 3 مليون دولار شهريا.. الراجل مش مركز خلاص".

وأشار "أديب"، خلال برنامج "الحكاية" المذاع عبر فضائية "إم بي سي مصر"، مساء الجمعة، "يعني ليا الفخر أني باخد أكتر من رونالدو وميسي.. مضيقتش من مرتضى منصور لأنه مش طايقني"، مضيفا: "أنا مستعد أقبض 3 مليون دولار شهرين وهقعد في البيت".

وأضاف: "طب حد يعقل الكلام.. وقال إن في لاعبين في الزمالك بيعرفوا بنات هوى.. الراجل كلامه فاضل ومؤدب جدا"، معلقا ساخرا: "يعني أنا هاخد أكتر من محمد صلاح.. وبعدين باخد 3 باخد 10 إنت مالك، أنا بقوله يا مرتضى إنت مالك اوزن الكلام إنت بتقول أي حاجة ومش عارف بتقول إيه".