تصريح صادم من الرئيس السيسي بشأن المرج والخصوص ورسالة بشأن حقوق لإنسان

قال الرئيس عبدالفتاح السيسي، إنه لا يجب العمل على تحويل الدولة لخصم، مضيفا: "بدل ما تجيب فيلم الإرهاب والكباب وتجيب المواطن بيشتكي.. وخلى البلد خصم"، ولم يجعل السلبية خصم، مضيفا: "البلد مش خصم.. المواطن اللي مبيشتغلش هو الخصم، لما حولنا البلد لخصم في 2011 هدوها".

وأضاف "السيسي"، خلال فعالية إطلاق المشروع القومي لتنمية الأسرة المصرية، اليوم الاثنين، "لولا فضل ربنا علينا وكرمه كانت البلد دي زي كل البلاد اللي أنتم شايفنها ومقامتش تاني، اللي يروح يروح ميرجعش، ولكن ربنا أفاض علينا".

وتابع، "بقابل ناس وست تقولي أنا زعلانة منه.. ليه يا ست، فتقولي عندي 6 عيال، أقولها طب أعمل إيه، أنا عندي 100 مليون أعمل إيه.. وبقول ده للدول اللي بتقول أنتتم ليه مبتدوش حقوق للناس"، مستطردا: "حقوق إيه.. أنا مش لاقي أكل، ومش عارف أعلم وأعالج، روحوا المرج والخصوص دي بلادنا اللي في رقبتنا يا كل المسئولين معايا.. أنزلوا شوفوا البلد عاملة إزاي".

وأضاف، "أنا عشان افتح شارع بشيل 1000 بيت.. عشان أخلي الناس تمشي، أنا بقولكم كده عشان دي بلادنا كلنا مش بتاعتي أنا بس".