بعد الغزو الروسي.. أديب: "اليومين دول فرصة للي عايز يعمل أي حاجة"

عقب الإعلامي عمرو أديب، على الغزو الروسي لأوكرانيا، قائلا: "عندي ذهول ودهشة إن لحد الآن في غزو في العصر اللي إحنا فيه"، مضيفا: "دولة لحد من 5 أيام كانت سعيدة ومطمئنة وبتأكل العالم عيش.. وفجأة بقا المواطن الأوكراني لاجىء في محطة قطار".

وأشار "أديب"، خلال برنامج "الحكاية" المذاع عبر فضائية "إم بي سي مصر"، مساء الجمعة، إلى أنه في حالة ألم مما يتعرض له المواطن الأوكراني، مضيفا: "إزاي أوروبا وأمريكا سابوا رئيس أوكرانيا عريان في الطل.. فجأة قالوله ربنا معاك وهندعيلك في الكنيسة بكرة، وهنبعتلك أكل".

وقال: "وفجأة قالوا أصل أوكرانيا مش عضو ف الناتو.. هما لو عايزينه ناتو كانوا خلوه ناتو"، مضيفا: "رئيس أوكرانيا كان ممثل كوميدي فجأة بقا بطل ويحظى بتقدير العالم كله".

وأضاف أن هناك ولايات ألمانية رفضت العقوبات على روسيا لأنهم يستوردوا منه الغاز، متابعا: "كبير العالم النهاردة اسمه الصين، اوعى تكلمني عن أمريكا.. اليومين دول فرصة للي عايز يعمل أي حاجة، العالم لايص ومحدش فاضي"، منوها بأنه لو تفاقمت الأزمة الأوكرانية "سنتأثر".

وتابع: “بنزين يزيد احتمال، كما سجل طن القمح السعر الأعلى من سنوات، نحن لسنا ببعيد عما يحدث في العالم”.