"فضيحتنا دولية".. نهاد أبو القمصان تطالب بالقبض على عريس الإسماعيلية

علقت المحامية  نهاد أبو القمصان، على واقعة ضرب عروس الاسماعلية،  قائلة: "إحنا قدام مجموعة من الجرائم، ومش عارفة لية متقبضش عليه.. هي تسامح ماشي، لكن قيم الأسرة المصرية فين، ده فضحنا دوليا ومحليًا".

وتابعت "أبو القمصان"، خلال مداخلة هاتفية مع الإعلامية لميس الحديدي، ببرنامج "كلمة أخيرة"، المذاع على فضائية "on"، مساء الأحد،: "لما البنات بتوع التيك توك طلعوا رقصوا قفشوهم لية، هي قيم الأسرة اتخضت أوي ومنامتش الليل عشان بنت رقصت على التيك توك، وهذا لم يحدث في واقعة ضرب عروس الإسماعيلية".

ووجهت رسالة للفتيات  التي تتعرضن للعنف،  قائلة: "الست اللي تضرب ممكن تكلم المجلس القومي للمرأة أو الشرطة، وزارة التضامن عندها مكان لاستضافة السيدات المعنفات".

وأضافت: "الراجل الضعيف الفاشل هو اللي يمد إيده على مراته.. ولو عارف إنه لما هيمد إيده هي هتضربه أو أهلها هيطحنوه مش هيمد إيده.. وهو بيمد إيده عشان هي أضعف منه"