عمرو أديب: "الحياة التجارية في مصر من أبو لمس.. وكل حاجة بتزود الأسعار"
عقب الإعلامي عمرو أديب، على قرار البنك المركزي المصري بإيقاف العمل بمستندات التحصيل للمستوردين، وتحديد الاستيراد بفتح الاعتمادات المستندية، محذرًا من أثر الأمر على المواطنين.
وقال أديب خلال حلقة اليوم الجمعة من برنامجه "الحكاية"، المذاع عبر فضائية "mbc مصر": "هحاول بقدر الإمكان أن متكلمش في قرارات البنك المركزي ولا أشرحلك أصل المستندات وكانوا بيحطوا 20% ومش هتكلم في كل دة أنا عايز أفكر كمواطن"، مضيفًا أنه "كمواطن أي قرار اقتصادي يبقي صح أو غلط ازاي ايه المقياس؛ أنا شخصيا ناوي أعدي كل الكلام اللي اتقال لأن أنا كمواطن اللي هو احنا مثلا 150 مليون يقع علينا فعل الفاعل".
وحذر أديب من أن "قرار الإدارة المصرية لو حصل أن الأسعار نطت يبقي القرار دة مش صح، ولو حصل أن الدولار نط يبقي القرار دة مش صح، واللي طلع القرار يتحمل مسؤوليته"، مضيفًا: "أنت بتقولي بوطن الصناعة ومش عايز ناس مغامرين تستورد أي حاجة أنا تحت أمرك".
وتابع: "زي ما حصل لما جينا نعمل الإصلاح الاقتصادي في ناس طلعت قالت الدولار هيبقي بـ 30 جنيه وناس قالت ياجماعة الدولار هيبقي بـ 4 جنيه، والناس قالت احنا هنمسك الدولار عند سعر معين، ومن وقتها وهو بيتحرك في حاجات بسيطة".
وأكمل: "اللي حصل بيقول ايه أن القرارات اللي اتخذت وقتها كانت سليمة حاليا في ناس بتقول قرار المركزي كويس وبيوطن الصناعة وبيساند المستوردين، وناس تانية بتقول لا البنك بياخد عمولة وهيبقي في زيادات وأي زيادات على المواطن".
وشدد عمرو أديب: "مقياسي أنا على هذا الأمر؛ أنا شفت امبارح الحديد زاد 600 جنيه هل الزيادة دي بسبب القرار ده؟"، واصفًا الحياة التجارية في مصر بأنها "من أبو لمس؛ أول ما يحصل حاجة يقولك زود".
