أول تعليق لعمر كمال بعد قرار نقابة الموسيقيين بوقفه
انفعل عمر كمال، مطرب المهرجانات، بسبب قرار نقابة الموسيقيين بإيقاف تصريحه وتحويله إلى التحقيق بسبب ما بدر منه بحق نقيب الموسيقيين الفنان هاني شاكر.
وقال "كمال" خلال مداخلة هاتفية مع الإعلامي شريف عامر ببرنامج "يحدث في مصر" المذاع على فضائية "إم بي سي مصر" اليوم الثلاثاء: "فيه أحد حفلاتي في فيه ناس كانوا عايزين يدخلوا وحصلت مشكلة لقيت إعلاميين في مصر بيقولوا حفلات عمر كمال دي خناقة شوارع وبارات".
وأضاف: "أنا طلعت فيديو لايف كنتا بدافع عن نفسي وكان ردي على أسئلة المتابعين لما قالي هاني شاكر هيمرجحك فقولتله أنا راجل محترم هاني شاكر بيمرجح اللي مش كويس لاقيت بيان طالع إن أنا سكران وتحت تأثير الكحوليات وعرفت القرار من الإعلاميين مفيش أي اتصال رسمي حصل معايا من النقابة".
وتابع: "بعت فويس لهاني شاكر وقولتله أنت جزمتك فوق رأسي وأنا عايز أعرف مين اللي اتهمني إني سكران وفين حق النقابة أنها ترد على الاتهامات وازاي القرار يطلع على الإعلام قبل ما النقابة تطلع القرار رسمي".
