بسمة وهبة تناشد هاني شاكر بالعفو عن بيكا: أنا بحبك وبستسمحك ده غلبان

ناشدت الإعلامية بسمة وهبة، هاني شاكر نقيب المهن الموسيقية، بالعفو عن حمو بيكا مؤدي المهرجانات والسماح له بالغناء في مصر، بسبب حالته الصحية المتدهورة. 

وقالت بسمة وهبة خلال حلقة اليوم من برنامج "90 دقيقة" على قناة المحور: "فين روح الفنان اللي بنستجديها منك يا أستاذ هاني؟ فين الإنسانية؟ أرجوك أن تسامح حمو بيكا وتسمح له بأن يغني مرة أخرى بضوابط ويحصل على التصريح". 

ومازحت الإعلامية، نقيب المهن الموسيقية قائلة: "أنا بحبك جدا والاختلاف في الرأي لا يفسد للود قضية، ده أنا جالي جلطة لما اتكلمت عنك، اتكلمت من هنا ونقلوني على المستشفى، قلت إنك ترفض المهرجانات وتشجع الراب رغم أن كل أغانيه كلمات مسيئة وأنا خايفة على بنتي". 

وتابعت: "أنا بحبك وبتسمتسحك وحمو بيكا غلبان بتعبه، إنت ملك الإحساس يا أستاذ هاني أتمنى ندرس حالته الإنسانية ونتمنى أن يتسع صدرك لنا، ألف سلامة عليك يا بيكا وربنا يشفيك".

ووجهت الإعلامية رسالة إلى المتنمرين بحمو بيكا، قائلة: "الناس اللي بيتنمروا عليه حرام عليهم لأن ده ابتلاء وجايز كل واحد فينا يبقى في المكان ده".

كما نصحت مطربي المهرجانات بالكف عن افتعال المشكلات، معقبة: "ليه حمو بيكا وعمر كمال وحسن شاكوش عاملين شقاوة ومشاكل دايما.. اهمدوا وخليكم في شغلكم".