"ستات مليانة سم".. تعليق بسمة وهبة على الاحتفال بـ "عيد الحب"

انتقدت الإعلامية بسمة وهبة، حالة التهكم لدي البعض على من يحتفل بـ "عيد الحب"، قائلة: "هتلاقي ناس بتتريق على الورد والدباديب وفكرة عيد الحب، انت مالك؟! سيب الناس تعبر عن محبتها بالطريقة اللي تعجبهم، وهتلاقي جروبات ستات مليانة سم، وبيسألوا بعض جابوا ايه وبكام؟ دهب ولا ألماظ؟ خليه ياخدك يعشيكي في مطعم.. كأن المادة هي كل شيء".

وأعربت “وهبة ”عن  حزنها-  خلال تقديمها برنامج "90 دقيقة"، المذاع على قناة "المحور"- بسبب سخرية بعض رواد منصات التواصل الاجتماعي من احتفالات عيد الحب، موضحةً: "شفت احتقار مخيف على منصات التواصل الاجتماعي مخيف للحب".

وأضافت: "احنا متربيناش على كده ولا احنا المفروض نبقى كده، وهو ما يفسر نسب الخناقات والطلاق والعنف العائلي وتقييم العلاقات بين البشر على أساس المصلحة".

وتابعت: "اوعوا تتخيلوا إننا بنتكلم عن الحب العاطفي فقط؟ أتحدث أيضا عن البلد والمجتمع والأرض.. للأسف في ناس بتحب بلدها بشروط، إما تستفاد وتكسب وتلم فلوس أو البلد تبقى وحشة بالنسبة لهم وهو ما حدث من رجال أعمال كثر حققوا أرباحا طائلة بفضل مصر وعندما احتاجتهم لم يدعموها".