"مستعميش كلام حد".. بسمة وهبة توجه رسالة إلى شيرين

قالت الإعلامية بسمة وهبة، إن الفنان حسام حبيب يحب زوجته السابقة الفنانة شيرين عبدالوهاب، معقبة: "ده كلام من مصدر موثوق وهو إنسان محترم جدا سيبوهم في حالهم".

ووجهت وهبة خلال تقديم حلقة اليوم من برنامج "90 دقيقة" على قناة المحور، رسالة إلى الفنانة شيرين عبدالوهاب، مطالبة إياها بأن ترجع إلى زوجها السابق إذا كان هذا الأمر سيحقق سعادتها: "اشتري سعادتك يا شيرين وسيبك من الكوميكس والمرضى.. متسمعيش كلام حد وشوفي قلبك بيقولي ايه واعملي اللي مشاعرك وحبك عاوزه ومتسمعيش كلام حد، ولو عاوزة ترجعي لحسام ارجعي له ولا يهمك حد ومحدش له عندك حاجة".

وواصلت: "اعملي اللي يسعدك ويقدر يخليكي تغني وانتي سعيدة، انتي ليكي عطاؤء وفن ومشاعر ومن حقك تعيشي المشاعر ومحدش له حاجة عندك".

وهاجمت الإعلامية بسمة وهبة، منتقدي الفنانة شيرين عبدالوهاب عبر منصات التواصل الاجتماعي، بسبب ما أثير حول رجوعها لزوجها السابق الفنان حسام حبيب. 

وقالت وهبة: "مرضى وبيزيطوا في الزيطة، ونزلوا بكلام من نوعية ازاي ترجعي له  بعد اللي قلتيه، وحتى الآن لا يعلم أحد مصيرهما، ممكن تكون رجعت وانتو خربتوا عليهم تاني ما دام شيرين وحسام مصرحوش يبقى مفيش معلومة".

وأضافت: "كلام شيرين عن حسام كله حب ويا رب لو مرجعوش يرجعوا، هو حد فيكم واصي عليها؟! هي فنانة جدعة وطيبة وجميلة وعاقلة وكلها مشاعر". 

ووصفت الإعلامية، منتقدي الفنانة بسبب خبر عودتها لزوجها بأنهم "ناس في قلوبهم مرض وعاوزين يفسدوا أي فرح"، معقبة: "إيه اللي عاوزينه ولا عندكم مصالح خاصة؟!". 

وطالبت بسمة وهبة رواد منصات التواصل الاجتماعي بالكف عن التدخل في حياة الناس: "امتى السوشيال ميديا تدخل في حياة الناس والفنان المفروض يتحاسب على فنه، الدنيا والطبيعة البشرية اتقلبت، مين إحنا عشان نتدلخ في حياة الناس".